Michael Martinez nakapagtala ng panibagong records sa ISU Grand Prix Audi Cup

By Shane Tanayer

Nakapagtamo ng panibagong personal best ang Filipino Olympian figure skater na si Michael Christian Martinez kamakailan sa ISU Grand Prix Audi Cup na ginanap sa China kung saan binigyan si Martinez ng mga judges ng total personal score na 220.36.

Ang nasabing score ay maituturing niyang panibagong record sa dating personal grade nito na 148.12. Ibinahagi ng kanyang mga coach na sina John Nicks at Peter Kongkasem at ng kanyang choreographer na si Nikolai Morozov na 15-25 hours per week ang kanyang training session na kung saan ay ginaganap pa ito madalas sa California.