AMIR KHAN: SI PACQUIAO ANG MAGPAPATUNAY NG AKING LAKAS!

​​Handang-handa na raw ang two-time world boxing champ na si Amir Khan sa nalalapit na sagupaan nila sa middleweight ni Saul “Canelo” Alvarez sa Mayo 8 sa Las Vegas, Nevada, USA.

Kampante si Khan na sa kanyang pag akyat sa fight weight division ay nadagdagan din ang kanyang lakas na kanya raw ipapamalas para pahirapan sa ring si Canelo.
Ayon pa kay Khan, si Manny Pacquiao pa ang makakapagpatunay ng kanyang lakas dahil minsan na raw niya itong napuruhan sa isang sparring session kahit pa mas malaki si Pacquiao sa kanya. 
“Manny Pacquiao could even tell you that. I’ve hurt a lot of guys in sparring. I used to spar with Manny Pacquiao. When I’m on my natural weight, I’m a lot stronger,” sabi ni Khan.
Ilang taon munang nagsanay si Khan sa kampo ni Freddie Roach, ang training coach ni Pacquiao, bago ito lumipat sa ibang training team.