NATIONAL TEAM, PATULOY NA HUMAHAKOT NG MEDALYA SA PHL NATIONAL GAMES

​​Sa loob ng limang araw na pagsasagawa ng Philippine National Games 2016 sa Lingayen, Pangasinan, nananatiling pinangungunahan ng national team ang paghakot ng medalya.

Sa pinakahuling tala as of press time, nasungkit na ng national team ang 62 golds, 27 silvers, at 10 bronzes.
Sinundan naman ito ng Baguio City na may 18 golds, 7 silvers, at 7 bronzes. Hindi naman nagpahuli ang Cebu City sa pangatlong pwesto na nakapagtala ng 14 golds, 7 silvers, at 7 bronzes. 
Samantala ang Maynila ay nasa panglima sa nakuha nitong 10 golds, 2 silvers, at 4 bronzes. Ang host province na Pangasinan ay pumalo sa ikapitong pwesto sa tala nitong 4 golds, 9 silvers, at 11 bronzes. Karamihan sa mga medalyang naipanalo ng Pangasinan ay mula sa taekwondo, dancesport, at wresting.